प्रस्तावना  व ऋणनिर्देश

लहानपणापासून  गोष्ट  ऐकणे  हा  फार  आवडता  छंद  आणि हा  छंद जोपासल्या गेला तो आई-बाबांनी  सांगितलेल्या  गोष्टी, त्यांनी आणून दिलेली  पुस्तके ह्यांमुळे. वाढत्या वयाबरोबर  गोष्टी ऐकता  ऐकता  त्या सांगितल्या देखिल  गेल्या पाहिजे हां संस्कार संघाच्या शाखेतून नकळत  होत  गेला. काठाकाथानातून  मिळणारा बोध हा त्या कथेचा खरा गाभा असतो  देखिल  संघातच कळू लागले.  पुढे संघाची बौद्धिके ऐकताना लहानपणीच्या ह्या कथा आपल्या जीवनात खूप मोठे परिवर्तन आणत असतात हे उमगू लागले. 

ह्या कथांचा संग्रह असावा असे पुढे वाटू लागले. त्यामागची प्रेरणा देणारे श्रॆ. संजय  तारे ह्यांचा ऋणनिर्देश करणे हे इथे मी आवश्यक समजतो. 

प्रचारक असताना पुण्याचे मित्र (हे तेव्हा गुहागरला प्रचारक होते) श्रॆ. विश्वेश पंडीतांच्या प्रेरणेने असा कथा संग्रह लिहिण्याचे काम सुरूही झाले होते, पण ती वही वर्षभरातच हरविली. 

नव्या युगातील प्रौद्योगाकीमुळे आता जनमनशिल्पी नावाने ब्लॉग  सुरु करतो आहे. हा ब्लॉग  एक कथा संग्रहच राहणार आहे. वेळोवेळी ऐकलेल्या कथा विषय वर्गवार लावण्याचा ह्यात प्रयत्न आहे. हा भगवान जगन्नाथाचा रथ समजून आपणास माहित असलेल्या कथा जरूर पाठवाव्यात ही नम्र विनंती. आपल्या प्रतिक्रियांचे स्वागत आहे.

थोडे उपक्रमाविषयी

भारत ही पुण्यभूमी म्हटल्या जाते ती  इथल्या तपस्वी, राजर्षि, महर्षि, विदूषी ह्यांनी  केलेल्या तपामुळे, साधनेमुळे. "झाले बहु होतील बहु " अशी नररत्नांची जणू मांदियाळी  ह्या भरतवर्षात होऊन गेली.

एतद्देश प्रसूतस्य सकाशदाग्रजन्मन: |

स्वम् स्वम् चरित्रं  शिक्षेरन पृथिव्यां सर्व मानवा: ||

ह्या देशात जन्मलेल्या प्रत्येक चरित्राचे पृथ्वीवरील सर्व मानवांनी अध्ययन करावे, असे सुभाषितकारांनी विषद केले आहे, ते  उगीच नव्हे. आपण ह्या लेखमालेत अश्या थोर स्त्री-पुरुषांची चरित्रे  बघणार आहोत. 

तर  सुरवात करुया विजिगीषु , पराक्रमी त्याच बरोबर दयाळू , कलाकारांची पारख असणारे अश्याआपल्या भरतवर्षातील  महापराक्रमी, तेजस्वी, चक्रवर्ती अश्या प्रजाप्रतिपालक राजां पासून.